The Memoirs of Mc Cheq...Part 1
Tersebutlah ..Ambo nok bertiteh cagho sebuoh kesoh lape beradik anok yatim mati pok. Ado seoghe anok tino digelar Mc Cheq. Jame kecik basuh beghok basoh batek sarong selai, mewaghih sipat moye nyo bernama mek check, cermat pembersih tange tok leh cemar semetar. Anok tino ni berdahi luah bermata lolong. Kulit putih ceghoh, tubuhe nipih jah, ghambot panje lughuh ikat toce semace.
Anok tino ni sipat dio mate dulu dari omor. Bek tu dio tok suko capor gaul budok2 melopat huhahuha. Sipatnyo pendie jale tunduk semace. Beghehi kilek book ke sano ke maghi, bele2 berendo bele2 tulung ma ke’bon. Pete2 kelik skoloh paka tisot sauk batek sarong, dakak Quran da’do ngaji nge Wan tok ghuru. Naik sikal suko nyanyi deghah2 bele2 ne’pah. Paka suar pendek tok paka baju.
Naik darjoh satu abah atar aghi pertamo. Belajar ngejo ceghat pado oghe. Padahal tok masok skoloh tadika. Buleh ngejo baghu buleh rehat, puah kak bi’sik kot nelo tulong ejo “CHILI”. Nok ghoyatnyo malu peghat sapa sudoh tok akat tange. Naik darjoh dua abahnya meninggal dunio. Tinggallah ma janda mudo 40 taun beranok lape. Ma mulo khijo membanting tule. Na’ne padi sebide motong getoh oghe. Baju bushuk getoh te’pek. Caghi kue’ junjung kue’ masuk ute tubik ute jitong muko meghoh meghe po ude keno pange. Buat tikar jual tikar buleh 70 ghiya sebide, se’gho mewoh senghoti. Beli sekut tawar kecik, ike kering anok butir nako setengoh kelo, berah 10 kelo buat make anok beranok.
Anak tino satni ghajin ngaji. Skoloh pete pagi2 tulung ngutip getoh dulu. Kebun oghe 6 kelo jale kaki ghedoh ute sagu, litas ghertok atas sungai dan lalu kubang boyo seram. Darjoh 2 pandai nanok nasi goreng ike dapor kayu wi make adik2 dulu. Gi skoloh 5 kelo jale kaki. Bowok pitih 20 sen saghi, pagi2 sarape pulut ike kering anok butir nako nge kopi ite manih pe’kat. Masuk pengakap anok tino jadi ketuo petrol. Cekgu soh beli book log kulit keghah anok tino dok die. Cekgu mitok 5 ghiya yure camping anok tino tokleh bayar. Cekgu wat lawate sambil belajar anok tino tokser gi cekgu pakso. Cekgu mitok 4 ghiya anok tino ke’rah tokser ikut serto. Mitok pitih nge ma, ma die jah. Anok tino nge adik2 tau ma tok leh bui. Duit bercatu jual getoh cukup bule ma ko’si nge mek. Bo motong getoh jame dulu, sekali jual buleh 80 ghiya. Siye tengok ko anok tino keno pakso gi lawate, ma pun bui pitih 4 ghiya. Pagi-pagi ma goreng behoon so taperwer dan bekal 5 butir telor ghebus.
Anok tino malu ko saing2 aghi suke tok leh beli seluar trek baju kalar hijau. Cekgu jual susu anok tino tok ghajin beli. Susu 30 sen sekotok, bekal anok tino 20 sen jah saghi. Puye pauh jual pauh ko saing2 kat skoloh, puye telor itek jual telor itek ko moksu Timoh. Bangun pagi2 berebut kutip telor itek dale gok tepi char. Buleh bowok pitih lebih. Gi skoloh anok tino nge adik2 paka baju caghik tapong jahit tange. Kasut skoloh caghik sano sini tembuh patak masuk air uje basoh stoking longgar getoh melughut sapa ko keting. Baju kurong kalar putih ja’di kuning kelabu asap. Bowoh ketiok kuning keghah busyuk ban’ga. Tiga-pat taun baghu buleh tukar sekali. Mewaghih baju kakok hok tok pade lagi. Puye banjir nok gi skoloh payoh. Kade2 anok tino nge adik2 tupe keto gha’lo che Drame. Pakat duduk berceratuk atas tayar sebesar keto kancil. Nyelik belake drebar tung’ghe atas enjin depe dok pun dale nyodok belake. Sapa skoloh baju putih te’pek selut meghoh.
Bersambung........
Cuba korang translate pakai google translate apa hasilnya? hahaha...kejap aku pun nak cuba gak...
Anok tino ni sipat dio mate dulu dari omor. Bek tu dio tok suko capor gaul budok2 melopat huhahuha. Sipatnyo pendie jale tunduk semace. Beghehi kilek book ke sano ke maghi, bele2 berendo bele2 tulung ma ke’bon. Pete2 kelik skoloh paka tisot sauk batek sarong, dakak Quran da’do ngaji nge Wan tok ghuru. Naik sikal suko nyanyi deghah2 bele2 ne’pah. Paka suar pendek tok paka baju.
Naik darjoh satu abah atar aghi pertamo. Belajar ngejo ceghat pado oghe. Padahal tok masok skoloh tadika. Buleh ngejo baghu buleh rehat, puah kak bi’sik kot nelo tulong ejo “CHILI”. Nok ghoyatnyo malu peghat sapa sudoh tok akat tange. Naik darjoh dua abahnya meninggal dunio. Tinggallah ma janda mudo 40 taun beranok lape. Ma mulo khijo membanting tule. Na’ne padi sebide motong getoh oghe. Baju bushuk getoh te’pek. Caghi kue’ junjung kue’ masuk ute tubik ute jitong muko meghoh meghe po ude keno pange. Buat tikar jual tikar buleh 70 ghiya sebide, se’gho mewoh senghoti. Beli sekut tawar kecik, ike kering anok butir nako setengoh kelo, berah 10 kelo buat make anok beranok.
Anak tino satni ghajin ngaji. Skoloh pete pagi2 tulung ngutip getoh dulu. Kebun oghe 6 kelo jale kaki ghedoh ute sagu, litas ghertok atas sungai dan lalu kubang boyo seram. Darjoh 2 pandai nanok nasi goreng ike dapor kayu wi make adik2 dulu. Gi skoloh 5 kelo jale kaki. Bowok pitih 20 sen saghi, pagi2 sarape pulut ike kering anok butir nako nge kopi ite manih pe’kat. Masuk pengakap anok tino jadi ketuo petrol. Cekgu soh beli book log kulit keghah anok tino dok die. Cekgu mitok 5 ghiya yure camping anok tino tokleh bayar. Cekgu wat lawate sambil belajar anok tino tokser gi cekgu pakso. Cekgu mitok 4 ghiya anok tino ke’rah tokser ikut serto. Mitok pitih nge ma, ma die jah. Anok tino nge adik2 tau ma tok leh bui. Duit bercatu jual getoh cukup bule ma ko’si nge mek. Bo motong getoh jame dulu, sekali jual buleh 80 ghiya. Siye tengok ko anok tino keno pakso gi lawate, ma pun bui pitih 4 ghiya. Pagi-pagi ma goreng behoon so taperwer dan bekal 5 butir telor ghebus.
Anok tino malu ko saing2 aghi suke tok leh beli seluar trek baju kalar hijau. Cekgu jual susu anok tino tok ghajin beli. Susu 30 sen sekotok, bekal anok tino 20 sen jah saghi. Puye pauh jual pauh ko saing2 kat skoloh, puye telor itek jual telor itek ko moksu Timoh. Bangun pagi2 berebut kutip telor itek dale gok tepi char. Buleh bowok pitih lebih. Gi skoloh anok tino nge adik2 paka baju caghik tapong jahit tange. Kasut skoloh caghik sano sini tembuh patak masuk air uje basoh stoking longgar getoh melughut sapa ko keting. Baju kurong kalar putih ja’di kuning kelabu asap. Bowoh ketiok kuning keghah busyuk ban’ga. Tiga-pat taun baghu buleh tukar sekali. Mewaghih baju kakok hok tok pade lagi. Puye banjir nok gi skoloh payoh. Kade2 anok tino nge adik2 tupe keto gha’lo che Drame. Pakat duduk berceratuk atas tayar sebesar keto kancil. Nyelik belake drebar tung’ghe atas enjin depe dok pun dale nyodok belake. Sapa skoloh baju putih te’pek selut meghoh.
Bersambung........
Cuba korang translate pakai google translate apa hasilnya? hahaha...kejap aku pun nak cuba gak...
Comments